長實（001）大埔嵐山，未發售先自high。177呎劏房、屋苑內有墳墓、買樓要簽唔睇樓同意書，鑊鑊新奇鑊鑊甘，嗰種破舊立新，另闢蹊徑，其實相當有創意，又迎合到「主流意見」及需求。坊間負評太多，錯不在盤，而是市場技巧，將好事變壞事。
一開始，如果長實以「平」作賣點，根本毋須用甚麼「1+親」、「風水地」及安全問題拒絕買家睇樓用來死撐，最終換來丟臉。
Cheap盤咪用cheap方法去sell，既簡單又直接，股榮稱之為街市marketing。
昨日難得去街市買餸，先去肉檔買肉，「10蚊瘦肉啦！」，豬肉佬嘴藐藐切了一塊，股榮多口問，咁細嘅，佢就再割多塊細到不能再細的，然後講「送多畀你。」隔籬阿婆多口，「10蚊邊夠，係咪一條友整肉餅食啊。」
阿婆都知道，買10蚊就只夠一個人食，嵐山百幾呎劏房，200萬內可以上車，你仲想點。「1+親」根本嘥氣，仔女出得嚟住，就想有獨立生活空間，想撇低父母，你會將佢哋放喺隔籬煩住你嗎？長實以「住喺隔籬，互相照應」作賣點，倒不如名正言順，「劏盤新樓，廿萬首期」，夠直接有gimmick。長實敢劏咁細去賣，就知道市場有需求，何解冇勇氣「表白」。
買完肉買魚，見到檔口有兩個兜，魚款一樣，一邊生猛識游，一邊反緊白眼死魚咁款，價錢平廿蚊。猶豫之際，檔主躁躁地話，「唔買就過主，咪阻住後面條龍。」是真的，買死魚的人居然多過生魚，重點又係平。
長實樓神趙國雄日前解釋嵐山內有墳，「新界地區常有墳墓，若行得正企得正就唔使驚，有墳可證明是風水地，或許更值得考慮，買家亦可選擇其他單位。」樓神去年薪金連花紅2,861萬元，講出這番說話，我明白人工包埋的，不過風水地都有陽陰之分，用老趙怪論，難道和合石風水最好，更值得考慮？
將貨就價本來就是市場定律，睇番價單，同層望墳及不望墳的價錢，三房單位差距超過100萬元。用街市語言，「唔買就過主啦，冇人用支槍逼你買。」但說一番甚麼有墳是風水地，更值得考慮，同賣魚佬同你講，條魚隻眼突出來，可能更加新鮮，你都媽番佢啦。因此，樓神下次還不如說：「唔鍾意咪唔揀，大把人爭住要。」簡單直接，想要平又要正，行開啦！
語言偽術最高的境界，就是自己呃埋自己。寧願死撐、唔認衰仔，嵐山去年12月已獲批預售樓花同意書，等了七個月才賣樓，得出如此市場迴響，就算賣清，長實樓品牌得不償失。作為長實小股東，我寧要老實，不要笨實。
一開始，如果長實以「平」作賣點，根本毋須用甚麼「1+親」、「風水地」及安全問題拒絕買家睇樓用來死撐，最終換來丟臉。
Cheap盤咪用cheap方法去sell，既簡單又直接，股榮稱之為街市marketing。
昨日難得去街市買餸，先去肉檔買肉，「10蚊瘦肉啦！」，豬肉佬嘴藐藐切了一塊，股榮多口問，咁細嘅，佢就再割多塊細到不能再細的，然後講「送多畀你。」隔籬阿婆多口，「10蚊邊夠，係咪一條友整肉餅食啊。」
阿婆都知道，買10蚊就只夠一個人食，嵐山百幾呎劏房，200萬內可以上車，你仲想點。「1+親」根本嘥氣，仔女出得嚟住，就想有獨立生活空間，想撇低父母，你會將佢哋放喺隔籬煩住你嗎？長實以「住喺隔籬，互相照應」作賣點，倒不如名正言順，「劏盤新樓，廿萬首期」，夠直接有gimmick。長實敢劏咁細去賣，就知道市場有需求，何解冇勇氣「表白」。
買完肉買魚，見到檔口有兩個兜，魚款一樣，一邊生猛識游，一邊反緊白眼死魚咁款，價錢平廿蚊。猶豫之際，檔主躁躁地話，「唔買就過主，咪阻住後面條龍。」是真的，買死魚的人居然多過生魚，重點又係平。
長實樓神趙國雄日前解釋嵐山內有墳，「新界地區常有墳墓，若行得正企得正就唔使驚，有墳可證明是風水地，或許更值得考慮，買家亦可選擇其他單位。」樓神去年薪金連花紅2,861萬元，講出這番說話，我明白人工包埋的，不過風水地都有陽陰之分，用老趙怪論，難道和合石風水最好，更值得考慮？
將貨就價本來就是市場定律，睇番價單，同層望墳及不望墳的價錢，三房單位差距超過100萬元。用街市語言，「唔買就過主啦，冇人用支槍逼你買。」但說一番甚麼有墳是風水地，更值得考慮，同賣魚佬同你講，條魚隻眼突出來，可能更加新鮮，你都媽番佢啦。因此，樓神下次還不如說：「唔鍾意咪唔揀，大把人爭住要。」簡單直接，想要平又要正，行開啦！
語言偽術最高的境界，就是自己呃埋自己。寧願死撐、唔認衰仔，嵐山去年12月已獲批預售樓花同意書，等了七個月才賣樓，得出如此市場迴響，就算賣清，長實樓品牌得不償失。作為長實小股東，我寧要老實，不要笨實。
P.S.有錢唔係大晒
曾經聽過，用錢解決到的問題，就唔係問題。長實曾要求嵐山內祖墓後人遷墳，結果是冇得傾，因此不存在價格高低。連傾都冇得傾，首富李嘉誠，有錢唔係大晒！
