新股熱潮再度升溫，上周五6股齊發全部報捷，藥箱真係變首飾箱，港深聯合（8181）唔知乜水都可以爆升五倍，連證券行內的順嫂都心如鹿撞，高追玩埋一份。認購新股首日沽，今年勝負一半半，但倘若有幸獲分全配售（Placing）新股，可稱得上即抽即中獎。
股榮統計今年14隻創業板新股，13隻以全配售形式分派予大戶，首日表現，衰極都有3%回報，另有五隻回報較配售價高出一倍。可以講，獲分全配售新股，肯定立於不敗之地。
股榮統計今年14隻創業板新股，13隻以全配售形式分派予大戶，首日表現，衰極都有3%回報，另有五隻回報較配售價高出一倍。可以講，獲分全配售新股，肯定立於不敗之地。
全配售新股 大戶玩晒
一般新股會作公開認購，接受所有市民申請，然後抽籤分派。全配售新股則由發行人（投行或證券行）分派予友好人士，一般限於大戶或芬佬，就算你在負責配售的證券行有戶口，想分一杯羹，通常吃閉門羹。統計今年13隻全配售創業板新股，每隻平均分配人數約152人，遠少於小圈子選特首人數，結果令貨源歸邊，炒到不亦樂乎。
世上沒有免費的午餐，大戶「有貨分」，取決於昔日「貢獻」多寡，每逢有公司抽水配股，大行總要包銷大部份貨，明知冇水位，客仔如果能捱義氣硬食，往後總有回報。
正所謂山水有相逢，今日搵咗你笨，他朝總有回報。在新股世界，永遠是take and give，而非take it for granted（老奉畀你）。假如你以為每日喺證券行放低幾舊水佣金，就要求有着數攞，只怪你太儍太天真。
全配售新股，首日早段永遠是最瘋狂，13隻今年上市創業板股，11隻首日day high已是今年最高價，例如華章科技（8276）首日高見8.5元，較上周五收市價2.77元低67%，電訊首科（8145）首日高位，較最新收市價0.76元低約八成。
全配售新股冇貨，第一日即追入，情況同跳樓無分別，唔死都重傷，人哋大戶藥箱變首飾箱，但你買完，隨時要買埋急救箱。
人類總是重複犯錯，今個星期五上市的網遊公司IGG，成個中環芬佬都問攞貨，但散戶反而應該學懂Put behind，懂得放手先為高手。
世上沒有免費的午餐，大戶「有貨分」，取決於昔日「貢獻」多寡，每逢有公司抽水配股，大行總要包銷大部份貨，明知冇水位，客仔如果能捱義氣硬食，往後總有回報。
正所謂山水有相逢，今日搵咗你笨，他朝總有回報。在新股世界，永遠是take and give，而非take it for granted（老奉畀你）。假如你以為每日喺證券行放低幾舊水佣金，就要求有着數攞，只怪你太儍太天真。
全配售新股，首日早段永遠是最瘋狂，13隻今年上市創業板股，11隻首日day high已是今年最高價，例如華章科技（8276）首日高見8.5元，較上周五收市價2.77元低67%，電訊首科（8145）首日高位，較最新收市價0.76元低約八成。
全配售新股冇貨，第一日即追入，情況同跳樓無分別，唔死都重傷，人哋大戶藥箱變首飾箱，但你買完，隨時要買埋急救箱。
人類總是重複犯錯，今個星期五上市的網遊公司IGG，成個中環芬佬都問攞貨，但散戶反而應該學懂Put behind，懂得放手先為高手。
