上周最爆財經新聞，非新地（016）疑似分身家莫屬。郭老太減持近13%權益，但在港交所（388）披露易網站的權益披露（SDI）中，郭炳江、郭炳聯兩兄弟權益先降後增，變相冇升跌。翌日多份報章各自表述，互相發揮，一般都傾向是兩兄弟平分，郭炳湘冇份。唔單止記者摸唔清，連有重大利益關係的大佬，都話「需要時間研究內容，暫時未有評論」，潛台詞可能是「寫乜啊，我都唔明」。
全部股份權益「炒埋一碟」
路邊社消息，若非大佬詐型，要阿媽「講清楚」，大家就不會見到郭老太周四晚澄清聲明。最後正確版本是一直由老太控制三兄弟的新地股份，有近13%轉移至兩兄弟個人信託基金，由阿媽保管變成自己控制，大佬嗰份繼續由阿媽睇住，睇得唔用得，仲要係以湘湘家人名義繼承。
簡單講吓SDI，港交所網頁中有一欄叫「披露權益，SDI」。每個交易日收市後，港交所便會登出所有上市公司最近大股東（持股5%或以上）及董事的增減持情況。
每逢有大股東或基金持股出現變化，翌日對相關股份股價都有影響，識睇SDI肯定冇壞，問題是現時的SDI，沒有註解說明股權變動是實質買賣股份、兌換CB、系內轉倉，抑或家族基金轉為個人信託等，只是將全部股份權益資料「炒埋一碟」，有時見到大股東持股量達到200%、300%，原因可能是計及認股權證等。
SDI不但未有發揮增加權益透明度作用，反而令坊間解讀錯誤，過去數年已發生數次類似經驗（見表），港交所及證監會並非愛理不理，而是睇住你死，最後股價大波動，最終要相關股份或大股東出來解畫。這個SDI制度，最終睇完都要翻睇年報或問公司解釋，添煩添亂認真垃圾。
股榮明白，每一種披露制度都有其優缺點，但現時的問題是監管機構將問題歸咎於制度的問題，完全沒有打算要修正修改SDI，這種心態最可悲。其實只要增添或加入重要的註解、將股份、認股權等衍生工具分開標明，以及強制重要股東披露沒有作價但股權大變的原因，已可解決大部份疑難。」
股神畢菲特於07年7月12日大手減持中石油（857），但要半個月後的27號，SDI才披露。按規定，股東要在增減持後三日內以郵寄、傳真或電郵方式向港交所申報，最後發現股神在美國以平郵通知，郵寄是以郵戳日期來計算三天期限，因此沒有違規。六年過了，證監仍未修例堵漏洞。沒有希望就冇失望，股榮對修例不存厚望。還是嗰句，睇SDI未必有收穫；但睇錯SDI，卻可能大檸樂。
簡單講吓SDI，港交所網頁中有一欄叫「披露權益，SDI」。每個交易日收市後，港交所便會登出所有上市公司最近大股東（持股5%或以上）及董事的增減持情況。
每逢有大股東或基金持股出現變化，翌日對相關股份股價都有影響，識睇SDI肯定冇壞，問題是現時的SDI，沒有註解說明股權變動是實質買賣股份、兌換CB、系內轉倉，抑或家族基金轉為個人信託等，只是將全部股份權益資料「炒埋一碟」，有時見到大股東持股量達到200%、300%，原因可能是計及認股權證等。
SDI不但未有發揮增加權益透明度作用，反而令坊間解讀錯誤，過去數年已發生數次類似經驗（見表），港交所及證監會並非愛理不理，而是睇住你死，最後股價大波動，最終要相關股份或大股東出來解畫。這個SDI制度，最終睇完都要翻睇年報或問公司解釋，添煩添亂認真垃圾。
股榮明白，每一種披露制度都有其優缺點，但現時的問題是監管機構將問題歸咎於制度的問題，完全沒有打算要修正修改SDI，這種心態最可悲。其實只要增添或加入重要的註解、將股份、認股權等衍生工具分開標明，以及強制重要股東披露沒有作價但股權大變的原因，已可解決大部份疑難。」
股神畢菲特於07年7月12日大手減持中石油（857），但要半個月後的27號，SDI才披露。按規定，股東要在增減持後三日內以郵寄、傳真或電郵方式向港交所申報，最後發現股神在美國以平郵通知，郵寄是以郵戳日期來計算三天期限，因此沒有違規。六年過了，證監仍未修例堵漏洞。沒有希望就冇失望，股榮對修例不存厚望。還是嗰句，睇SDI未必有收穫；但睇錯SDI，卻可能大檸樂。
